2014年3月2日 星期日

徐小鳳走過順流逆順2014演唱會



小鳳姐江湖地位超然, 每一場演唱會也得到各大傳媒傾力報導, 呢種情況, 記憶中沒有太多歌星會出現.
 
自覺幸運, 連飲啖水都有掌聲, 這是小鳳姐應得既, 小鳳姐說話有修養, 舉止大將風範, 這是歌唱之外, 我們後輩值得學習.
 
全場燈光關閉, 掌聲雷動, 站在金光寶座, 由台中央升上, 金碧耀眼, 作一個360地向全場觀眾見面, 我們的皇后, 徐小鳳.
 
 
演唱會選曲頗為大路, 但選唱康藝成音時的作品不小, 比較驚喜既"星光的背影", 還有'順流逆流", "星星問", "隨想曲", "情比雨絲".

 
其它必唱的"風的季節", "漫漫前路", "喜氣洋洋", "婚紗背後", "誰又欠了誰", "每一步", 還有驚喜之二的"黃沙萬里", 而個人喜愛的"夜風中", "變色感情", 今次就欠奉.
 
 
另一成為歌手的指定動作, 就是唱別人的歌, 小鳳姐唱了"熱情的沙漠", "愛的迷戀", "誓要入刀山", 這些歌曲絕對在掌握之中, 不會唱得核突加牽強, 還起了帶動氣氛之化學作用.
 
 
另一高潮位, 我會選串燒勁歌熱舞這一環, 你有想過小鳳唱勁歌, 跳勁舞嗎. 如小鳳姐所言, 這一環, 要做到的是睇落好勁, 但自己只係做下甩手操咁, 引得全場大笑, "激光中", "獨自去偷歡", "夢伴", "唱這歌", 就如殿堂歌手, 也要作一些突破, 挑戰一下, 與時並進, 真的是不斷學習同提升.
 

 
小鳳姐講野真係幾好笑, 有小小節錄, "咁多人係妳側邊, 小心比人抽水", "全部女人圍住你, 你無反應架咩", "嘩, 乜我而家成個孕婦咁", "我好耐無照鏡, 係直程無照過", 雖然唔係甚麼妙語連珠, 但出自小鳯姐口中及堂時環境, 真係好好笑.
 

 
最後一提, 係我成晚印象最深最深, 是甚麼....係小鳳姐既氣勢, 單田氣勢, 我發覺小鳳姐唱歌, 支咪唔係貼到個咀實一實, 係有小小距離, 其中一小節中, 小鳯姐突然將支咪拉低到腰之下既單田位, 聲音依然響亮, 全場轟動, 唔係用嗌顯示實力, 用單田, 今時今日既小鳳姐, 作一個三個鐘頭表演, 又歌又舞又講笑, 已是難得, 穿插著幾位嘉賓作換衫和小休息是必然的, 我們的徐小鳳.



5 則留言:

  1. 我鍾意佢首hip hop版我有一段情
    佢唱唱這歌…好震撼喎…

    回覆刪除
    回覆
    1. 你呢排係咪好小睇演唱會, 唔岩你....呀文達李, 開喎, 你有無棒場, 好似岩你何車喎.

      刪除
  2. 小鳳姐幾十年來跑慣碼頭除了唱得之外一定仲好識搞下氣氛^^
    btw,手繪公仔畫得好似你

    回覆刪除
    回覆
    1. 基爾鐘意影同食, 好小睇演唱會, 係咪? 手繪都成年前囉, 我叫個書友畫比我架, 哈....

      刪除