2014年1月5日 星期日

2014交行貨第一篇

唔知係人既關係, 定係版面問題, 又或者情意結問題, 梗係覺得呢度唔係好好用, 無乜意欲去寫!! 安妮為...我會試下寫, 寫, 寫.

2013一開波就係屋企乾坐, 無諗過1月中已見成一份工, 在過年後上班, 但都無諗過同年七月辭工, 亦都無諗過受到甜言留下來, 還好, 留守到呢一刻, 雙糧+花紅是不俗, 不過...我正打算一月二十四辭工, 再次展開2014悠長假期.

2013間中亦有交朋結友, OK LA, 不過我又唔係好主動去約朋友, 因為個個都好忙, 我又好怕約三次推你三次, 勉勉強係第二次半出黎, 我成日都好想知, 究竟忙咩呢, 真係咁忙架咩..., 我好明朋友係要互相維繫聯絡, 但...明還明, 行動去唔去係兩馬子既事.

2013聽歌較多, 戲...小左, 因為好多好難搵, 同埋我都係秋筋一族, 好似係2013突然好鐘意黃露儀既"未完的愛", 但復黑版斷版多時, 剛巧一位由卜友變成朋友既朋友, 無條件割愛送贈隻復黑比我, 真係哇哈哈.

另外同音樂有關, 係第一次去左音樂展, 內裡好多CD都會特價發售, 好像新力攤位, 100元4隻復黑, 林劉蔡曾甄及一些雜錦都有, 唔怕肉酸既我, 問下隔離位樂迷, 有無興趣一人買二隻, 好多我都有, 結果...奧基喎, 感覺良好.

2013整年都叫平穩, 無咩大事大非大不快, 同埋我對日子, 回憶都係金魚族, 成日撈亂晒, 時空交錯晒, 無記錯既, 就係以上, 同埋以下張相係2013年12月31日, 係電車站.

新年進步, 事事順境.

5 則留言:

  1. 乜嘢音樂展?好似ok吸引
    黄鶯鶯後期啲歌係我杯茶,最近諗緊買唔買佢隻香港版,有3首廣東歌呢
    我最近睇咗同,都不錯
    2014blog多啲,唔好懶惰haha

    happy new year : )

    回覆刪除
    回覆
    1. 個音樂展每年都會搞一次, 好多唱片有攤位, 同埋會有歌手係音樂廳唱歌宣傳碟, 我果次睇埋露雲娜, 賈思樂, 好正, 買碟都買左成二十隻, 隻雪隻燒我都會買, 但朋友報料, 旺角價都要百六銀, 好拿利.

      刪除
    2. 雪在燒我已有国語版,所以諗緊為唔為3首廣東歌買香港版
      btw我鍾意国語版封面多啲
      佢隻為愛瘋狂係極品

      刪除
    3. 估不到你有雪在燒, 第時有咩野, 問左你先.

      刪除
  2. 接上……

    點解括號入面啲字出唔到……?
    黄鶯鶯隻雪在燒
    睇咗發夢王大冒險同男朋友女朋友

    回覆刪除