2014年3月2日 星期日

徐小鳳走過順流逆順2014演唱會



小鳳姐江湖地位超然, 每一場演唱會也得到各大傳媒傾力報導, 呢種情況, 記憶中沒有太多歌星會出現.
 
自覺幸運, 連飲啖水都有掌聲, 這是小鳳姐應得既, 小鳳姐說話有修養, 舉止大將風範, 這是歌唱之外, 我們後輩值得學習.
 
全場燈光關閉, 掌聲雷動, 站在金光寶座, 由台中央升上, 金碧耀眼, 作一個360地向全場觀眾見面, 我們的皇后, 徐小鳳.
 
 
演唱會選曲頗為大路, 但選唱康藝成音時的作品不小, 比較驚喜既"星光的背影", 還有'順流逆流", "星星問", "隨想曲", "情比雨絲".

 
其它必唱的"風的季節", "漫漫前路", "喜氣洋洋", "婚紗背後", "誰又欠了誰", "每一步", 還有驚喜之二的"黃沙萬里", 而個人喜愛的"夜風中", "變色感情", 今次就欠奉.
 
 
另一成為歌手的指定動作, 就是唱別人的歌, 小鳳姐唱了"熱情的沙漠", "愛的迷戀", "誓要入刀山", 這些歌曲絕對在掌握之中, 不會唱得核突加牽強, 還起了帶動氣氛之化學作用.
 
 
另一高潮位, 我會選串燒勁歌熱舞這一環, 你有想過小鳳唱勁歌, 跳勁舞嗎. 如小鳳姐所言, 這一環, 要做到的是睇落好勁, 但自己只係做下甩手操咁, 引得全場大笑, "激光中", "獨自去偷歡", "夢伴", "唱這歌", 就如殿堂歌手, 也要作一些突破, 挑戰一下, 與時並進, 真的是不斷學習同提升.
 

 
小鳳姐講野真係幾好笑, 有小小節錄, "咁多人係妳側邊, 小心比人抽水", "全部女人圍住你, 你無反應架咩", "嘩, 乜我而家成個孕婦咁", "我好耐無照鏡, 係直程無照過", 雖然唔係甚麼妙語連珠, 但出自小鳯姐口中及堂時環境, 真係好好笑.
 

 
最後一提, 係我成晚印象最深最深, 是甚麼....係小鳳姐既氣勢, 單田氣勢, 我發覺小鳳姐唱歌, 支咪唔係貼到個咀實一實, 係有小小距離, 其中一小節中, 小鳯姐突然將支咪拉低到腰之下既單田位, 聲音依然響亮, 全場轟動, 唔係用嗌顯示實力, 用單田, 今時今日既小鳳姐, 作一個三個鐘頭表演, 又歌又舞又講笑, 已是難得, 穿插著幾位嘉賓作換衫和小休息是必然的, 我們的徐小鳳.



2014年1月14日 星期二

黃鶯鶯雪在燒

 
2014第一隻買, 黃鶯鶯(黃露儀)的雪在燒, 偏愛露儀唱廣東歌, 此碟是廣東+國語, 3首廣東歌分別為"雪在燒", "假使真的可以", 靈魂深處", 動聽非常.
 
此碟在新加坡發行, 還配上每碟一編號, 因此, 價錢亦有點昂貴, 價值160大元, 真係有小小唔捨得, 好彩, 這是一隻音色非常好的唱片.
 

2014年1月5日 星期日

2014交行貨第一篇

唔知係人既關係, 定係版面問題, 又或者情意結問題, 梗係覺得呢度唔係好好用, 無乜意欲去寫!! 安妮為...我會試下寫, 寫, 寫.

2013一開波就係屋企乾坐, 無諗過1月中已見成一份工, 在過年後上班, 但都無諗過同年七月辭工, 亦都無諗過受到甜言留下來, 還好, 留守到呢一刻, 雙糧+花紅是不俗, 不過...我正打算一月二十四辭工, 再次展開2014悠長假期.

2013間中亦有交朋結友, OK LA, 不過我又唔係好主動去約朋友, 因為個個都好忙, 我又好怕約三次推你三次, 勉勉強係第二次半出黎, 我成日都好想知, 究竟忙咩呢, 真係咁忙架咩..., 我好明朋友係要互相維繫聯絡, 但...明還明, 行動去唔去係兩馬子既事.

2013聽歌較多, 戲...小左, 因為好多好難搵, 同埋我都係秋筋一族, 好似係2013突然好鐘意黃露儀既"未完的愛", 但復黑版斷版多時, 剛巧一位由卜友變成朋友既朋友, 無條件割愛送贈隻復黑比我, 真係哇哈哈.

另外同音樂有關, 係第一次去左音樂展, 內裡好多CD都會特價發售, 好像新力攤位, 100元4隻復黑, 林劉蔡曾甄及一些雜錦都有, 唔怕肉酸既我, 問下隔離位樂迷, 有無興趣一人買二隻, 好多我都有, 結果...奧基喎, 感覺良好.

2013整年都叫平穩, 無咩大事大非大不快, 同埋我對日子, 回憶都係金魚族, 成日撈亂晒, 時空交錯晒, 無記錯既, 就係以上, 同埋以下張相係2013年12月31日, 係電車站.

新年進步, 事事順境.